Կորոնավիրուսի դեմ պատվաստումներն օգնել են կանխարգելել 19,8 միլիոն մարդու մահ աշխարհի 185 երկրներում

ԵՐԵՎԱՆՀՈՒՆԻՍԻ 29, 24News

կորոնավիրուս

Կորոնավիրուսի դեմ պատվաստումներն օգնել են կանխարգելել 19,8 միլիոն մարդու մահ աշխարհի 185 երկրներում, այս մասին հայտնել է ԵՊԲՀ ռեկտոր Արմեն Մուրադյանը։

«Մարդկության ունեցած առաջընթացը մեծապես պայմանավորված է տարբեր բնագավառներում գիտնականների, գյուտարարների և նորարարների կողմից ստեղծված գիտելիքի և վերջինի արդյունավետ կիրառման հետ:

Բացառություն չէ նաև առողջապահության բնագավառը, որի առավել մեծ ձեռքբերումներից է պատվաստումների լայն կիրառումը մարդկության կողմից, որը օգնել է հաղթահարել կամ կառավարելի դարձնել մի շարք վտանգավոր հիվանդություններ՝ կանխարգելելով բազմաթիվ մահվան դեպքեր:

Վերջերս, հեղինակավոր գիտական հանդեսներից մեկը հրապարակել է Լոնդոնի կայսերական քոլեջի մի խումբ հետազոտողների աշխատանքը, համաձայն որի մեկ տարվա ընթացքում՝ 2020 թվականի դեկտեմբերի 8-ից մինչև 2021 թվականի նույն ժամանակահատվածը, Կովիդ-19 դեմ պատվաստումներն օգնել են կանխարգելել 19.8 միլիոն մարդու մահ աշխարհի 185 երկրներում», - Facebook-յան իր էջում գրել է Մուրադյանը։

--00--ԱՀ

Տեսանյութեր