ԵՐԵՎԱՆ, ԱՊՐԻԼԻ 20, 24News
Ապրիլի 20-ին Ադրբեջանի պաշտպանության նախարար Զաքիր Հասանովի գլխավորությամբ ցամաքային զորքերի շտաբում տեղի է ունեցել պաշտոնական խորհրդակցություն։
Ինչպես հաղորդում է ԱՊԱ-ն, հանդիպմանը քննարկվել է հայ-ադրբեջանական սահմանին ներկա օպերատիվ իրավիճակը, զորամասերի մարտական պատրաստության միջոցառումները և զինվորականների կարգապահության վիճակը։
Հասանովը կոնկրետ խնդիրներ է առաջադրել՝ համագործակցել համապատասխան պետական կառույցների հետ, անհրաժեշտ միջոցներ ձեռնարկել՝ արդյունավետորեն իրականացնելու Ադրբեջանի և Հայաստանի միջև պետական սահմանի սահմանազատման գործընթացը և ապահովել անվտանգությունը։
--00—ՅՄ