Բրյուսելը կորոնավիրուսի դեմ պատվաստանյութի մշակման համար կտրամադրի 140 միլիոն եվրո

ԵՐԵՎԱՆ, ՄԱՐՏԻ 11, 24News    

եմ

«Մենք կօգտագործենք մեր տրամադրության տակ եղած բոլոր միջոցները, որպեսզի եվրոպական տնտեսությունը կարողանա գոյատևել այս փոթորկի մեջ»։ Եվրամիության պետությունների և կառավարությունների ղեկավարները պայմանավորվել են նոր կորոնավիրուսի դեմ պայքարում չորս առաջնահերթ կետերի շուրջ: Այս մասին հայտնել է Եվրահանձնակատար Ուրսուլա ֆոն դեր Լյայենը, տեղեկացնում է DW- ն:

Դրանցից մեկը վերաբերում է հիվանդության տարածման արդյունքում տնտեսական հետևանքների մեղմելուն: Գործընթացի համար նախատեսվել է 25 միլիարդ եվրո, որը կօգտագործվի առողջապահության, աշխատաշուկայի, ինչպես նաև փոքր և միջին ձեռնարկությունների ոլորտում՝ աջակցելով նաև ոլորտի աշխատակիցներին: Բացի սրանից, կա նաև վարակի տարածման սահմանափակման անհրաժեշտություն։ Այս գործընթացքում տարվող միջոցառումները պետք է հիմնված լինեն գիտական և բժշկական փորձի վրա, լինեն համաչափ մասշտաբների։ Նման որոշում կայացրել են կոնֆերանսի մասնակիցները:

Լյուքսեմբուրգի վարչապետ Քսավյե Բետելն էլ իր հերթին գործընկերներին կոչ է արել համակարգել վիրուսի դեմ պայքարի համար տարվող ազգային գործողությունները: Եվրախորհրդի ղեկավարը նշել է ԵՄ երկրների առողջապահության և ներքին գործերի նախարարների նախատեսվելիք ամենօրյա հանդիպումներ անցկացնելու մասին որոշումը։ Դրանք կկազմակերպվեն տեսազանգի միջոցով:

Եվրահանձնաժողովը պետք է ուսումնասիրի բժշկական պարագաների պահանջարկը՝ առաջարկներ ներկայացնելով դրանց հնարավոր դեֆիցիտի կանխման համար․«Ներքին շուկան պետք է աշխատի պատշաճ կերպով և առանց անհիմն խոչընդոտների»,- նշել է Միշելը:

Մեկ այլ գերակայություն է կորոնավիրուսի դեմ նոր տիպի պատվաստանյութի մշակման ուսումնասիրությունը: Բրյուսելը այդ ծրագրի համար նախապատրաստել է 140 միլիոն եվրո և 17 նախագիծ։