ԵՐԵՎԱՆ, ՓԵՏՐՎԱՐԻ 22, 24News
Փետրվարի 21-ին ՆԳՆ միգրացիայի և քաղաքացիության ծառայության Մուշի անձնագրային բաժանմունքից ոստիկանության Մուշի բաժին տեղեկություն է ստացվել, որ իրենց դիմած 21-ամյա Արսեն Կ.-ի տվյալները անձնագրային բազա մուտքագրելիս պարզվել է, որ նա հետախուզման մեջ է: Ոստիկանության Մուշի բաժնի քրեական հետախույզները պարզել են, որ 21-ամյա երիտասարդը 2023 թ. օգոստոսի 7-ից ՌԴ Ադիգեայի Հանրապետության ոստիկանության կողմից հետախուզվում էր ՌԴ քրեական օրենսգրքի 158-րդ հոդվածի (Գողությունը) մեղադրանքով:
Հայտնաբերման մասին հայտնվել է հետախուզումը նախաձեռնողին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
--00—ԼՀ