ԵՐԵՎԱՆ, ԴԵԿՏԵՄԲԵՐԻ 21, 24News
Աֆղանստանում իշխող «Թալիբան» շարժումն ազատ է արձակել կալանքի տակ գտնվող երկու ամերիկացիների։
«Արմենպրես»-ի փոխանցմամբ՝ այս մասին հայտնել Է ԱՄՆ պետքարտուղարության ներկայացուցիչ Նեդ Փրայսը լրագրողների հետ ճեպազրույցի ժամանակ։
«Մենք հասկանում ենք, որ սա բարի կամքի դրսևորում Էր թալիբների կողմից: Դա գերիների կամ կալանավորների փոխանակման մաս չէր։ Որևէ գումար չի տրամադրվել այս ամենի համար։
Մենք սա հասկանում ենք կամ, համենայն դեպս, Թալիբանը, սա բնութագրել է, որպես բարի կամքի դրսևորում», - ասել է Փրայսը լրագրողներին:
Փրայսը նշել է, որ ազատ արձակված ամերիկացիները ստանում են անհրաժեշտ աջակցությունը և շուտով կմիանան իրենց սիրելիներին։
Ի դեպ, թալիբների կողմից 2 ամերիկացիներին ազատ արձակելու որոշումը համընկել է Աֆղանստանի համալսարաններում կանանց կրթությունը կասեցնելու որոշման հետ։
--00—ՅՄ