ԵՐԵՎԱՆ, ՀՈԻՆԻՍԻ 16, 24News
Հայաստանը մի իրավիճակում է գտնվում, երբ ստիպված է կառավարել պարենային անվտանգության վտանգները, իսկ այն լուծելու համար անհրաժեշտ է ԵԱՏՄ անդամ բոլոր երկրների ջանքերը, ոչ մի պետություն ի վիճակի չէ խնդիրը լուծել միայնակ։ Այս մասին Պետերբուրգի միջազգային տնտեսական համաժողովի «Եվրասիական գործընկերություն. նոր հնարավորություններ» պանելային քննարկման ժամանակ ասել է Հայաստանի փոխվարչապետ Մհեր Գրիգորյանը։
«Հայաստանը գործ ունի մի իրավիճակի հետ, երբ սկսել է կառավարել պարենային ճգնաժամի ռիսկերը։ Որքան էլ որ մենք խոսենք այդ մասին տեսականորեն, այն ունի արդեն գործնական իրականություն։ Պարենային անվտանգության հարցը պահանջում է միասնական որոշում, որովհետև ոչ մի երկիր ի վիճակի չէ այն միայնակ լուծել, կամ լուծել այնպես, որ այն արդյունավետ լինի», - ասել է Գրիգորյանը։
Հայաստանի փոխվարչապետն ընդգծել է, որ պարենային անվտանգության հարցը պետք է դառնա Եվրասիական տնտեսական միության շրջանակներում քննարկվող ամենակարևոր ուղղություններից մեկը։ «Մենք ունենք ռազմավարություն, պետք է հասնենք վերջնական որոշումների», - հավելել է նա։
--00--ԱՀ