ԵՐԵՎԱՆ, ՄԱՐՏԻ 24, 24News
Թուրքիայի հյուսիս-արևմտյան Բուրսա նահանգի Օսմանգազի շրջանի Միթհաթփաշա միջնակարգ դպրոցի տնօրենը ուսուցիչներից պահանջել է դասասեղանների առջև աշակերտերի նստեցման կարգում փոփոխություններ կատարել, իմա՝ նրանց իրար կողք նստեցնել՝ ըստ սեռերի։ Այս մասին հայտնում է Ermenihaber.am-ը։
Այս թեման սոցիալական ցանցերի թուրքական տիրույթում և լրատվամիջոցներում մեծ աղմուկ է բարձրացրել։ Միջադեպի կապակցությամբ Բուրսայի նահանգային կրթության վարչությունը հաղորդագրություն է տարածել՝ նշելով, որ հիշյալ տնօրենի նկատմամբ հետաքննություն է սկսվել, ինչպես նաև նրան շխատանքից հեռացնելու որոշում է կայացվել։
Թուրք ընդդիմադիր լրագրողներից Էրք Աջարերը, անդրադառնալով թեմային, զարմանքն է արտահայտել. «Ի՞նչ է, միջնակարգ դպրոցում անցել են շարիաթական համակարգի՞»։
Շարիաթ - իսլամական օրենք, օրենքների ժողովածու՝ կազմված Ղուրանի ու սուննայի հիման վրա։
--00--ՍԳ