ԵՐԵՎԱՆ, ՀՈՒՆՎԱՐԻ 31, 24 News
Ոստիկանության ՔՈԳՎ, Քանաքեռ-Զեյթունի բաժնի ՔՀԲ ծառայողների և ՌԴ իրավապահ մարմինների ձեռնարկած միջոցառումների շնորհիվ 2021 թ. դեկտեմբերի 30-ին ՌԴ Մոսկվա քաղաքում հայտնաբերվել, ձերբակալվել և հունվարի 29-ին Մոսկվա-Երևան չվերթի ինքնաթիռով ՀՀ է արտաքսվել 45-ամյա Մհեր Ա.-ն:
Ոստիկանությունից հայտնում են, որ նա 2017 թ. մարտի 17-ից հետախուզվում էր ՀՀ քրեական օրենսգրքի 325-րդ (Փաստաթղթեր, դրոշմներ, կնիքներ, ձևաթղթեր, տրանսպորտային միջոցների հաշվառման համարանիշեր կեղծելը, իրացնելը կամ օգտագործելը) և 329-րդ (Պետական սահմանն ապօրինի հատելը) հոդվածների մեղադրանքով:
Խափանման միջոցը՝ կալանք:
--00--ԱՀ