ԵՐԵՎԱՆ, ՄԱՅԻՍԻ 3, 24News
ՌԴ փոխվարչապետ Ալեքսեյ Օվերչուկը Մոսկվայում հանդիպել է Ադրբեջանի փոխվարչապետ Շահին Մուստաֆաևի հետ։
Ինչպես հաղորդում է ԱՊԱ-ի Մոսկվայի թղթակիցը, քննարկվել են երկկողմ առևտրատնտեսական համագործակցության արդիական հարցեր, որոնք գտնվում են Ռուսաստանի և Ադրբեջանի միջև տնտեսական համագործակցության միջկառավարական հանձնաժողովի օրակարգում:
Կողմերը հատուկ ուշադրություն են դարձրել համագործակցության զարգացմանը առևտրատնտեսական, արդյունաբերության, էներգետիկայի, տրանսպորտի, գյուղատնտեսության, ֆինանսների, առողջապահության, մշակույթի, գիտության, միջտարածաշրջանային համագործակցության, կրթության և զբոսաշրջության ոլորտներում։
Նրանք հաստատել են իրենց պատրաստակամությունը շարունակելու կառուցողական երկխոսությունը՝ ուղղված համագործակցության բոլոր ոլորտներում ռուս-ադրբեջանական հարաբերությունների ամրապնդմանը։
--00—ՅՄ