ԵՐԵՎԱՆ, ԱՊՐԻԼԻ 19, 24News
Հայաստանի սամբոյի հավաքականի անդամ, 79 կգ քաշային Բորիս Շատվերյանն Իսրայելում ընթացող Երոպայի առաջնությունում բրոնզե մեդալ է նվաճել՝ վճռորոշ գոտեմարտում առավելության հասնելով Ադրբեջանի ներկայացուցչի նկատմամբ:
Հայաստանի մյուս ներկայացուցիչ, 98 կգ քաշային Արսեն Խանջյանը դուրս է եկել եզրափակիչ՝ կիսաեզրափակչում հաղթանակի հասնելով ադրբեջանցի սամբիստի նկատմամբ:
Սամբոյի Եվրոպայի 2023 թվականի առաջնությունն անցկացվում է ապրիլի 19- 23-ն Իսրայելի Հայֆա քաղաքում: Առաջնությանը մասնակցում են ավելի քան 20 երկրի դեռահասների, պատանիների, երիտասարդների և մեծերի հավաքականները:
--00—ՅՄ