ԵՐԵՎԱՆ, ԴԵԿՏԵՄԲԵՐԻ 24, 24News
Դեկտեմբերի 23-ին, ժամը 22:38-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վազաշեն-Պառավաքար ավտոճանապարհին՝ Վազաշեն գյուղի վերջնամասում, կցորդիչով բեռնատարն ընդունել է մկրատաձև դիրք և չի կարողանում շարունակել ընթացքը․ ճանապարհը երկկողմանի փակվել է․ անհրաժեշտ է փրկարարների օգնությունը:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Փրկարարները քարշակել են «Volvo» մակնիշի կցորդիչով բեռնատարը (վարորդ՝ Դ․ Ա․)․ երթևեկությունը վերականգնվել է։
--00—ՅՄ