ԵՐԵՎԱՆ, ԱՊՐԻԼԻ 5, 24News
Եկեղեցու հայրերից Սուրբ Հովհան Ոսկեբերանը նշում է. «Սերը պինդ է պատից, ամուր է պողպատից, և եթե դու ուրիշ ամուր նյութ ցույց տայի՛ր, սիրո ամրությունը կգերազանցեր նաև դրան»:
Այս պատանիների և երիտասարդների ունեցած սերն ու նվիրում հանդեպ Քրիստոսին և եկեղեցուն, այդքան ամուր է և կարող է հաղթահարել ամեն բան:
Թեմակալ Առաջնորդ Գերաշնորհ Տեր Մկրտիչ եպիսկոպոս Պռոշյանի օրհնությամբ, շարունակվում են այցերը երիտասարդաց միության պատասխանատուների կողմից թեմական միություններ: Հայտնում են Արագածոտնի թեմից։
Հերթական այցն այսօր Թալինի Սուրբ Աստվածածին եկեղեցու երիտասարդաց-պատանյաց միությունում էր:
Հոգևորականներն ու երիտասարդները միասին ժամերգություն կատարեցին, աղոթեցին, և ջերմ միջավայրում հնարավորություն ունեցան միմյանց հարցեր ուղղելու, զրուցելու հետաքրքիր թեմաների շուրջ և առաջիկա ծրագրերը քննարկեցին:
ԵԿԵՂԵՑՈՒՄ ՍԵՐՆ Է ԹԱԳԱՎՈՐՈՒՄ, ՈՐՈՎԵՏԵՒ ԱՍՏՎԱԾ ԻՆՔԸ ՍԵՐ Է…
--00—ՍՊ