ԵՐԵՎԱՆ, ԱՊՐԻԼԻ 6, 24News
Հայաստանը ներկայացնող շախմատիստները շարունակում են ելույթները Եվրոպայի կանանց անհատական առաջնությունում:
6 խաղափուլից հետո գրոսմայստեր Էլինա Դանիելյանը և միջազգային վարպետ Լիլիթ Մկրտչյանը ունեն 4.5 միավոր և կիսում են 6-11-րդ հորիզոնականները:
Կանանց գրոսմայստեր Մարիա Գևորգյանը, կանանց ՖԻԴԵ-ի վարպետ Աննա Խաչատրյանը և կանանց միջազգային վարպետ Սուսաննա Գաբոյանը ունեն 4 միավոր:
Շախմատի կանանց Եվրոպայի անհատական առաջնությանը մասնակցում է 125 շախմատիստ: Հայաստանը մրցաշարին մասնակցում է 9 մարզիկով: Այն կեզրափակվի ապրիլի 11-ին:
--00—ՅՄ