Հայաստանից Արցախ մուտք գործող բոլոր մեքենաները ենթարկվում են պարտադիր ախտահանման

ԵՐԵՎԱՆ, ԱՊՐԻԼԻ 6, 24News       

Արցախ

Արցախի տեղեկատվական շտաբից հայտնում են, որ սահմանային հսկիչ կետերում շուրջօրյա հերթապահություն իրականացնող արտակարգ իրավիճակների պետական ծառայության ստորաբաժանումների կողմից, նոր կորոնավիրուսի վարակի տարածումը կանխարգելող համալիր միջոցառումների շրջանակներում, ապրիլի 1-ից իրականացվում են լրացուցիչ կանխարգելիչ գործողություններ:

Հայաստանի Հանրապետությունից Արցախի Հանրապետություն մուտք գործող բոլոր տրանսպորտային միջոցները (մարդատար և բեռնատար) «Աղավնո», «Խնձորեսկ» և «Խարխափուտ» հսկիչ-անցագրային կետերում ենթարկվում են պարտադիր ախտահանման:

Ապրիլի 4-ին և 5-ին ախտահանվել է ընդհանուր թվով 244 տրանսպորտային միջոց: