ՌԴ-ն ու Ադրբեջանը քննարկել են ռազմավարական գործընկերության շուրջ զարգացման հեռանկարները

 Ադրբեջանի նախագահի հատուկ հանձնարարությունների գծով ներկայացուցիչ Խալաֆ Խալաֆովը հանդիպել է Ռուսաստանի արտգործնախարար Սերգեյ Լավրովի հետ: 

Հանդիպմանը մտքեր են փոխանակվել ռազմավարական գործընկերության և դաշնակցության համատեքստում ռուս-ադրբեջանական հարաբերությունների զարգացման հեռանկարների շուրջ: Անդրադարձ է կատարվել նաև միջազգային և տարածաշրջանային մի շարք հրատապ խնդիրների: Ադրբեջանն ու Ռուսաստանը քննարկել են Կասպյան տարածաշրջանում փոխգործակցության հարցեր։