ԵՐԵՎԱՆ, ՀՈԿՏԵՄԲԵՐԻ 19, 24News
Ադրբեջանի փոխարտգործնախարար Էլնուր Մամեդովը, ելույթ ունենալով Օմբուդսմենների և մարդու իրավունքների ազգային ինստիտուտների Բաքվի միջազգային համաժողովում, ասել է, թե Ադրբեջանը թեւակոխել է հետկոնֆլիկտային շրջան։ Նրա խոսքով՝ «իրենց հողերը» լքած քաղաքացիների վերադարձը երկրի առաջնահերթ խնդիրն է այսօր։ Այս մասին հայտնում են ադրբեջանական լրատվամիջոցները:
Թշնամի երկրի փոխնախարարը նշել է, որ վերջին 2 տարվա ընթացքում պետբյուջեից ավելի քան 3 մլրդ դոլար է հատկացվել գրաված տարածքների վերականգնման համար։
«Հայերն ամբողջությամբ ոչնչացրել են այդ տարածքների ենթակառուցվածքները։ Հիմա մենք պետք է զրոյից վերականգնենք այդ տարածքները։ Սակայն այդ տարածքների` հայերի կողմից ականապատված լինելը վերականգնողական աշխատանքների հիմնական խոչընդոտն է։ Հայերը դեռ հրաժարվում են ականապատ դաշտերի քարտեզներ տրամադրել։ Իսկ քարտեզների ճշգրտությունը նույնիսկ 25% չէ։ Մինչ օրս ականների պայթյունի զոհ է դարձել մոտ 3300 մարդ»,- հավելել է Ադրբեջանի փոխարտգործնախարարը։
--00—ԶՀ