ԵՐԵՎԱՆ, ՍԵՊՏԵՄԲԵՐԻ 15, 24News
ՀՀ պաշտպանության նախարար Արշակ Կարապետյանը չի կարողացել մեկնել Դուշանբե՝ մասնակցելու ՀԱՊԿ Արտաքին գործերի նախարարների, Պաշտպանության նախարարների և ԱԽ քարտուղարների համատեղ նիստին։
«Փաստինֆո»-ին ՀՀ ՊՆ լրատվական ծառայությունից հայտնեցին, որ չվերթի հետ կապված խնդիրների պատճառով նախարարը չի մեկնել Տաջիկստան, վաղը կմասնակցի նիստին։
Ավելի վաղ հայտնել էինք, որ օդանավի անսարքության պատճառով նույն նիստին չէր կարողացել մասնակցել նաև ԱԳ նախարար Արարատ Միրզոյանը։
Առավոտյան ՌԴ արտաքին գործերի նախարարությունը լուսանկար էր հրապարակել Դուշանբեում կայացած ՀԱՊԿ անդամ երկրների արտաքին գործերի նախարարների խորհրդի, պաշտպանության նախարարների խորհրդի և անվտանգության խորհրդի քարտուղարների կոմիտեի նիստից, որտեղ ՀՀ ԱԳՆ և ՊՆ ներկայացուցիչները ներկա չէին։
--00--ԿԿ