ԵՐԵՎԱՆ, ՄԱՅԻՍԻ 4, 24News
Երևանի քաղաքապետի մամուլի խոսնակ Հայկ Կոստանյանը պարզաբանում է տարածել․
«Համաձայն ՀՀ կառավարության հետ կնքված պայմանագրի «Վեոլիա Ջուր» ընկերությունը հանձն է առել ՀՀ-ում ջրամատակարարման և ջրահեռացման բոլոր համակարգերի կառավարումը և սպասարկումը, հեղեղատարերի սպասարկումն ու շահագործումը, կեղտաջրերի մաքրման համակարգերի կառավարումը և մի շարք այլ պարտավորություններ։
Հետևապես՝ Երևան քաղաքում երեկ տեղացած հորդառատ անձրևներից հետո առաջացած ջրակուտակումները, որոնց հետևանքով քաղաքի առանձին հատվածներում մեքենաների դժվարանցանելիություն էր առաջացել, իսկ որոշ դեպքերում էլ մեքենաներ էին խափանվել՝ պաշտոնապես ևս մեկ անգամ տեղեկացնում ենք, որ Երևան քաղաքի մակերևույթային ջրերի, հեղեղատար և անձրևաընդունիչ ցանցը սպասարկվում և շահագործվում է «Վեոլիա ջուր» ընկերության կողմից։
«Ազատություն» ռադիոկայանի մեր գործընկերներին հորդորում ենք ավելի պրոֆեսիոնալ գտնվել և առատ տեղումների հետևանքով ստեղծված իրավիճակում թացը չորից տարբերել ու քաղաքացիներին չապակողմնորոշել»։
--00—ՍՊ