Բարեգործական ծրագրի շրջանակում ՊԲ-ին են հանձնվել COVID-19-ի արագ ախտորոշման թեստեր

ԵՐԵՎԱՆ, ԱՊՐԻԼԻ 25, 24News

ՊԲ

«Բարեգործական հերթական ծրագրի հեղինակները ՊԲ-ի հետ այս ոլորտում, արդեն տարիների փորձառություն ունեցող ‹‹Հայ վիրավոր հերոսներ›› հիմնադրամն է և ‹‹Հանուն հայ զինվորի›› հասարակական կազմակերպությունը»: Այս մասին փոխանցում է Արցախի տեղեկատվական շտաբը:

«Վերջիններիս համատեղ ջանքերի արդյունքում ապրիլի 24-ին ՊԲ-ին են հանձնվել մեծաքանակ քարշակվող և ինքնագնաց ախտահանող սարքավորումներ, ախտահանիչ նյութեր ու պաշտպանիչ հանդերձանք, ինչպես նաև նոր տիպի կորոնավիրուսի արագ ախտորոշման թեստեր, որոնք էական ազդեցություն կունենան բանակում նոր տիպի կորոնավիրուսի կանխարգելման դեմ իրականացվող համալիր գործընթացների բարելավման վրա:

Հավելենք, որ արդեն առաջիկա օրերին, բարեգործական նախաձեռնության շնորհիվ ՊԲ-ին հանձնված միջոցները, նախանշված զորամասերում և ստորաբաժանումներում կկիրառվեն ըստ նշանակության»,- ասված է հաղորդագրության մեջ: