ԵՐԵՎԱՆ, ՄԱՅԻՍԻ 6, 24News
ՊՆ նախկին փոխնախարար Արտակ Զաքարյանը գրում է․
«ՔՊ-ի ապազգային ու հակապետական նախաձեռնություններին անդուլ տեղեկատվական աջակցությունն ցուցաբերած Ստյոպա Սաֆարյանը՝ հիմա էլ Նորք-Մարաշի հայտնի դեպքերն է մեջբերել (չգիտես՝ լա՞ս, թե՞ խնդաս սրանց ֆանտազիայի վրա):
Լրիվ բանականությունը կորցրել ու խելքները թռցրել են: Երևի, վախի կամ պանիկայի պարագայում՝ դա նորմալ է: Թե ի՞նչ կապ ունի «Լավրովի պլանը» 2015թ. Նորք-Մարաշի դեպքերի հետ, կամ, թե ի՞նչ զառանցանք է այն բեմականացում կարծելը՝ Ստյոպան իհարկե չի ասում: Ի՞նչ ասի, ինչպե՞ս հիմնավորի իր ցնդաբանությունները, երբ հերթական ախմախությունն է բստրել:
Իշխանական էժանագին քարոզիչնե՛ր, ավելի լավ է սկսեք փրկօղակներ փնտրել, որովհետև ձեր ապավինած, բայց խարխլված նավակը՝ կարծես թե ափ դուրս չի գալու»։