ԵՐԵՎԱՆ, ԱՊՐԻԼԻ 4, 24News
Ռումինիայի վարչապետ Մարչել Չոլակուն DC News հարթակին տված հարցազրույցում հայտարարել է, որ պաշտպանում է Մոլդովայի հետ միավորվելու գաղափարը, որը կարող է տեղի ունենալ, այդ թվում հանրապետության՝ ԵՄ-ին անդամակցելու միջոցով։ Այդ մասին «Արմենպրես»-ը տեղեկանում է «ՌԻԱ Նովոստի» գործակալությունից:
«Ես աջակցում եմ միավորմանը, ոչ մի արգելք չունեմ: Սա իմ իրավունքն է: Ես առաջվա պես հավատում եմ Մոլդովայի և Ռումինիայի միավորմանը», - հայտարարել է Չոլակուն:
Նա նշել է, որ դա տեղի կունենա ԵՄ-ի ներսում կամ կգտնվի այլ ճանապարհ։
«Մոլդովայում ինձ նման ռումինացիներ են ապրում: Պատմությունն անարդարություն է գործել: Մենք չենք կարող փոխել անցյալը, իսկ ներկան անցյալի հետևանքն է: Այն, ինչ մենք կարող ենք անել ձեզ հետ միասին, ապագա կառուցելն է», - հավելել է Չոլակուն:
Մոլդովայի և Ռումինիայի խորհրդարանները 2022 թ. առաջին անգամ համատեղ նիստ են անցկացրել: Մինչ այդ երկու երկրների կառավարությունները մի քանի անգամ հանդիպել են, բազմաթիվ ոլորտներում ստեղծվել են համատեղ հանձնաժողովներ ու աշխատանքային խմբեր։
1918 թվականին Ռումինիան զորքեր է մտցրել Մոլդովայի տարածք՝ սահմանը գծելով Դնեստր գետի երկայնքով (առանց ներկայիս Մերձդնեստրի տարածքի)։ Քիշնևում ստեղծված Երկրամասի խորհուրդը քվեարկել է հարևան երկրի հետ միավորման օգտին։ 1940 թ. հունիսից ժամանակակից Մոլդովայի տարածքը չի մտել Ռումինիայի կազմի մեջ։ Երկու երկրների տարածքում էլ կան «ունիոնիզմի» գաղափարի կողմնակիցներ, այսինքն՝ Ռումինիայի և Մոլդովայի միավորումը վերջինիս՝ որպես առանձին պետություն վերացնելու ճանապարհով։
--00—ԼՀ