ԵՐԵՎԱՆ, ՀՈՒՆԻՍԻ 13, 24news
Ադրբեջանի կողմից Լեռնային Ղարաբաղի նկատմամբ պետական ահաբեկչությունը Եվրոպական հանձնաժողովի կողմից որևէ պատժամիջոցի չի հանգեցրել՝ չնայած Արդարադատության միջազգային դատարանի վճիռներին։
Այս մասին Ստրասբուրգում ընթացող Եվրոպական խորհրդարանի լիագումար նիստին՝ «Հայաստանի և Ադրբեջանի հարաբերությունները և իրավիճակը Լեռնային Ղարաբաղում և Լաչինի միջանցքում» թեմայով քննարկման ժամանակ, հայտարարել է եվրապատգամավոր Ֆրանսուա-Քսավյե Բելամին, փոխանցում է «Լուրեր»-ը։
«Արդեն վեց ամիս է, ինչ փակ է Լաչինի միջանցքը, և Լեռնային Ղարաբաղի հայ բնակչությունը փաստացի շրջափակման մեջ է։ Մենք այս խորհրդարանում հստակ դատապարտել ենք այս անհանդուրժելի իրավիճակը, բայց Եվրահանձնաժողովը լուռ է, իսկ Եվրոպական խորհուրդը հովանավորում է բանակցությունները մեղավորի և զոհի միջև»,- ասել է պատգամավորը։
Նա նշել է, որ վճռական գործողություններ է ակնկալում՝ ապահովելու, որ Ադրբեջանը դադարեցնի իր անօրինական գործողությունները։
Մանրամասն՝ սկզբնաղբյուր կայքում։
--00—ՅՄ