ԵՐԵՎԱՆ, ՄԱՅԻՍԻ 14, 24News
Վաղը՝ ժամը 16:00 պետք է ներկա լինենք Ազատության հրապարակում և մեր խաղաղ, բայց հուժկու ընդվզումը հայտնենք Նիկոլ Փաշինյանին։ Այդ մասին հայտարարել է «Տավուշը հանուն հայրենիքի» շարժման առաջնորդ Բագրատ սրբազանը՝ կոչ անելով միջազգային հանրության ներկայացուցիչների ներկայությամբ բողոք արտահայտել Ադրբեջանի հետ պետական սահմանի սահմանազատման և սահմանագծման իշխանությունների գործողություններին․
«Քաղաքացիներ, դուք, ձեզնից յուրաքանչյուրը հնարավորություն ունի լինել այնտեղ և արտահայտել իր անհամաձայնությունը, իր բողոքը՝ հստակ ցույց տալով, որ մենք համաձայն չենք այն քաղաքականության կամ ռազմավարության հետ, որը կոչեք ինչպես ուզում եք, որը վերաբերում է սահմանազատման և սահմանագծման ապօրինի գործընթացին»,- նշել է նա։
Նշենք՝ վարչապետ Փաշինյանը այդ օրը մասնակցի ՎԶԵԲ-ի տարեկան ժողովի միջոցառմանը։
Հիշեցնենք՝ վաղն առավոտից կշարունակվեն խաղաղ, անհնազանդության գործողությունները ՀՀ ողջ տարածքում։
--00—ՍՊ