Հայ-ռուսական միջտարածաշրջանային համաժողովը մեկնարկեց․ ի՞նչ է օրակարգում

ԵՐԵՎԱՆ, ՀՈԿՏԵՄԲԵՐԻ 18, 24News

նկար

Հոկտեմբերի 18-ին Երևանում մեկնարկել է Հայ-ռուսական միջտարածաշրջանային 8-րդ երկօրյա համաժողովը։

Էկոնոմիկայի նախարարության մասնագետների մասնակցությամբ միջոցառման շրջանակում այսօր անցկացվում են կլոր սեղան քննարկումներ հետևյալ թեմաներով՝

Եվրասիական գործընկերության շրջանակներում Հայաստանի և Ռուսաստանի միջև տնտեսական համագործակցության զարգացման հեռանկարները,

Արդյունաբերական կլաստերների ներուժը. համատեղ նախագծերի իրականացում,

Պատմամշակութային զբոսաշրջության զարգացում,

ՀՀ և ՌԴ մարզեր․կրթական և երիտասարդական համագործակցություն,

Սոցիալ-տնտեսական միջտարածաշրջանային համագործակցության զարգացումը հետհամաճարակային շրջանում։

Ֆորումի շրջանակում կիրականացվի նաև Ռուսական արտահանման կենտրոնի բիզնես-առաքելություն շուրջ 100-150 հայ և ռուս գործարարների մասնակցությամբ։

Հայ-ռուսական միջտարածաշրջանային ֆորումներն անցկացվում են 2011 թվականից, որի նպատակն է նպաստել երկու երկրների միջև միջտարածաշրջանային համագործակցության զարգացմանը։