ԵՐԵՎԱՆ, ՄԱՐՏԻ 28, 24News
Ըստ թուրքական լրատվամիջոցների՝ Թուրքիան ԱՄՆ պաշտպանության նախարարությանը կմատակարարի զինամթերք՝ նախատեսված 116 հազար միավոր արկ 155մմ տրամաչափի M107 հաուբիցների համար։ Դրանք կփոխարինեն Վաշինգտոնի կողմից Ուկրաինային մատակարարվող արկերին:
Զինամթերքի մատակարարման մասին պայմանագիրն ամերիկյան կողմի հետ ստորագրել է թուրքական «Arca Savunma» ընկերությունը։
Նշենք, որ փետրվարին Անկարայում ԱՄՆ դեսպան Ջեֆրի Ֆլեյքը հայտարարել էր, որ Թուրքիան կօգնի ԱՄՆ-ին համալրել զինամթերքի պաշարները, որոնք կրճատվել էին Ուկրաինային օգնության տրամադրման պատճառով։
Աղբյուրը՝ Ermenihaber.am:
--00—ՅՄ