ԵՐԵՎԱՆ, ԱՊՐԻԼԻ 20, 24News
Ապրիլի 19-ին՝ ժամը 22:46-ին, Արագածոտնի մարզային ճգնաժամային կառավարման կենտրոն ահազանգ է ստացվել, որ Ապարան-Արագած ավտոճանապարհին տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Ապարան-Արագած ավտոճանապարհին՝ Հարթավան գյուղի սկզբնամասում, «Opel» մակնիշի ավտոմեքենան դուրս է եկել ճանապարհի երթևեկելի հատվածից և, մոտ 50 մ գլորվելով, հայտնվել հարակից դաշտամիջյան հատվածում։
Մինչ փրկարարների կանչի վայր հասնելը՝ Ա. Ե.-ն (ծնված 1982 թ.) և Ս. Թ.-ն (ծնված 1982 թ.) հոսպիտալացվել են Ապարանի ԲԿ, որտեղ նրանց առողջական վիճակը գնահատվել է ծանր։ Տուժածներն այնուհետև տեղափոխվել են Երևանի «Էրեբունի» ԲԿ։
Փրկարարները հոսանքազրկել են ավտոմեքենան և փակել գազի բալոնի փականը։
--00—ԼՄ