ԵՐԵՎԱՆ, ՆՈՅԵՄԲԵՐԻ 15, 24 News
Տնտեսության հարցերով եվրակոմիսար Պաոլո Ջենտիլոնին կարծում Է, որ համավարակի չորրորդ ալիքի ազդեցությունը Եվրամիության (ԵՄ) տնտեսության զարգացման վրա այնքան լուրջ չի լինի, ինչպես անցյալ տարի: Այդ կարծիքը նա հայտնել Է նոյեմբերի 15-ին գերմանական Die Welt թերթում հրապարակված հարցազրույցում, տեղեկացնում Է «Արմենպրես»-ը:
«Չորրորդ ալիքը հազիվ թե վնաս հասցնի տնտեսությանը: Տնտեսական հետեւանքները բնավ այնպիսի դրամատիկական չեն լինի, ինչպես անցյալ տարի»,- նշել Է Ջենտիլոնին: Շատ բանով, նրա կարծիքով, դա կապված Է կորնավիրուսի դեմ պատվաստանյութերի առկայության հետ:
«Եթե նույնիսկ Եվրամիության երկրներն այժմ նպատակային սահմանափակումներ մտցնեն, դրանք այլեւս այնպիսի հետեւանքներ չեն ունենա, ինչպես անցյալ տարվա խիստ կարանտինային միջոցները»,- ընդգծել Է եվրակոմիսարը: Դրա հետ մեկտեղ նա հավաստիացրել Է, որ նույնիսկ հիվանդացության աճի պայմաններում խիստ լոկդաուն այլեւս չի լինի:
«Եվրոպայում հոկտեմբերի կեսերից կրկին դիտվում Է վարակման նոր դեպքերի թվի ավելացում, իսկ ախտահարվածների եւ մահացածների քանակն ավելի բարձր Է, քան անցյալ տարի: Սակայն շփումների նոր սահմանափակումները կլիեն սակավ խիստ, քան աշնանը, դրանում ես համոզված եմ»,- ընդգծել Է Ջենտիլոնին: Նրա կարծիքով՝ դա կապված Է այն բանի հետ, որ իրավիճակը փոխվել Է: «Շատ մարդիկ պատվաստված են, եւ նրանք, ովքեր պատվաստված են, որպես կանոն, ավելի քիչ են հիվանդանում, քան նրանք, ովքեր դա չեն անում: Խիստ լոկդաուն այլեւս չի լինի»,- եզրափակել Է նա։
--00—ՄՀ