ԵՐԵՎԱՆ, ՄԱՅԻՍԻ 2, 24News

«Լրագրողներ առանց սահմանների» միջազգային կազմակերպության հրապարակած «Մամուլի ազատության համաշխարհային ինդեքս» 2025–ում Հայաստանը բարելավել է իր դիրքերը և հայտնվել 34–րդ հորիզոնականում՝ 73.96 միավորով: «Արմենպրես»-ի փոխանցմամբ՝ նախորդ տարի Հայաստանը զբաղեցնում էր 43–րդ հորիզոնականը:

Ինդեքսը ներառում է շուրջ 180 երկիր։

Հարևան Վրաստանն այս ինդեքսում 114–րդն է, նախորդ տարի 103–րդն էր: Ինդեքսում Ադրբեջանը 167–րդն է՝ 2024–ի համեմատ նահանջելով 3 հորիզոնականով, Թուրքիան 159–րդն է՝ նահանջելով 1 հորիզոնականով: Հարևան Իրանը 176–րդն է, նախորդ տարի ևս նույն դիրքում էր:

Ինչպես նախորդ տարի, այս տարի ևս ինդեքսը գլխավորում է Նորվեգիան:

–00–ԱՀ