ԵՐԵՎԱՆ, ԱՊՐԻԼԻ 6, 24News

Ուկրաինային շտապ պետք է ուժեղացնել հակաօդային պաշտպանության վահանը ռուսական հրթիռային ահաբեկչությունից։ Այս մասին Ուկրաինայի նախագահ Վլադիմիր Զելենսկին ասել է ուկրաինացիներին ուղղված իր ուղերձի ժամանակ։

«Մենք պետք է ուժեղացնենք մեր հակաօդային պաշտպանությունը, սա օբյեկտիվ իրականություն է, և բոլոր պայմանավորվածությունները, որոնք ձեռք են բերվել գործընկերների հետ, բայց չեն իրականացվել, պետք է հնարավորինս ակտիվացվեն: Patriot համակարգերը, որոնք հիմա պարզապես գործընկերների պահեստում են, պետք է իսկապես պաշտպանեն»,- ասել է նախագահը։

Նաև, նրա կարծիքով, և՛ Եվրոպան, և՛ Ամերիկան ​​պետք է շատ ավելի ակտիվ լինեն իրենց համար ՀՕՊ համակարգեր և հրթիռներ արտադրելու հարցում։

–00—ՅՄ