ՀՀ սահմանադրությունը պետք է փոխվի, Մինսկի խումբը՝ լուծարվի, Բաքուն կրկին պայմաններ է առաջ քաշում

26/05/2025 20:59 Տարածաշրջան

ԵՐԵՎԱՆ, ՄԱՅԻՍԻ 26, 24News

Բաքվից հայտարարել են, թե Հայաստանը պատրաստ չէ փոփոխություններ մտցնել իր սահմանադրության մեջ՝ այդպիսով ընդգծելով խաղաղության գործընթացում առկա խնդիրների մասին։

Ադրբեջանի ԱԳՆ խոսնակ Այխան Հաջիզադեն ասել է, թե դա հարցեր է առաջացնում՝ արդյոք Հայաստանը նվիրված է խաղաղությանը։

Նա նաև անդրադարձել է այսպես կոչված «Արևմտյան Ադրբեջանին»․

««Արևմտյան Ադրբեջանի համայնքին» հղումները չպետք է ընկալվեն որպես տարածքային պահանջներ: «Արևմտյան Ադրբեջանի» հարցը մարդու իրավունքների հարց է և նպատակ ունի ապահովել Հայաստանի կողմից «էթնիկ զտումների ենթարկված» ադրբեջանցիների խաղաղ, անվտանգ և արժանապատիվ վերադարձը»,- նշել է Հաջիզադեն։

Բաքվից հայտարարել են՝ կայուն խաղաղության հասնելու համար Հայաստանը պետք է համապատասխան փոփոխություններ կատարի Սահմանադրության մեջ՝ բացառելով տարածքային հավակնությունները և աջակցելով Մինսկի խմբի անվերապահ լուծարմանը։

–00—ՍՊ

ՀՀ սահմանադրությունը պետք է փոխվի, Մինսկի խումբը՝ լուծարվի, Բաքուն կրկին պայմաններ է առաջ քաշում

Նմանատիպ նորություններ