Հանդիպել են Թուրքիայի նախագահ Ռեջեփ Թայիփ Էրդողանը և Սիրիայի նախագահ Ահմադ աշ-Շարաայը։ Հանդիպման ընթացքում մտքեր են փոխանակվել երկու երկրների հարաբերությունների և գլոբալ գործընթացների շուրջ:

Էրդողանը հայտարարել է, որ իր երկիրը կշարունակի Սիրիայի կողքին լինել: Նա գոհունակություն է հայտնել, որ սիրիացի գործընկերոջ այցը Թուրքիա տեղի է ունեցել ԱՄՆ-ի և Եվրամիության պատժամիջոցների վերացումից հետո:

Հանդիպմանը անդրադարձ է կատարվել նաև Սիրիայի տարածքային ամբողջականությանը, շեշտվել է այդ գործոնի պաշտպանության, ինչպես նաև միասնական կենտրոնից բանակի կառավարման անհրաժեշտությունը:

Թուրքիայի նախագահ Էրդողանը հայտարարել է, որ երկկողմ հարաբերությունները կշարունակեն զարգանալ տարբեր ոլորտներում, ինչպես նաև կշարունակվի բարիդրացիության և եղբայրության քաղաքականությունը երկկողմ հարաբերություններում: Սիրիայի նախագահը շնորհակալություն է հայտնել իր թուրք գործընկերոջը աջակցության համար:

–00–ՍՊ