Իրանի նախագահ Մասուդ Փեզեշիանը հայտարարել է, որ հնարավոր է համարում ԱՄՆ-ի հետ համաձայնության հասնելը, սակայն պայմանով, որ Վաշինգտոնը կդադարի վախեցնել Թեհրանին:

Մենք ոչ մի պարագայում չենք ենթարկվի ուժին, ասել է Իրանի նախագահը:

ԱՄՆ նախագահի հատուկ բանագնաց Սթիվ Ուիթքոֆը ավելի վաղ ABC News-ին տված հարցազրույցում, մեկնաբանելով Իրանի հետ ԱՄՆ-ի բանակցությունները, հայտարարել էր, որ հնարավոր գործարքի պայմաններով Իրանը չպետք է հնարավորություն ունենա հարստացնել ուրանը նույնիսկ 1 տոկոսով:

Իրանի ԱԳ նախարար Աբբաս Արաքչին արձագանքել էր դրան՝ ասելով, որ Թեհրանը կշարունակի ուրան հարստացնել՝ անկախ նրանից՝ ԱՄՆ-ի հետ համաձայնություն ձեռք կբերվի, թե ոչ:

–00—ՍՊ