ԵՐԵՎԱՆ, ՀՈՒԼԻՍԻ 6, 24News

Ռուսաստանի արտաքին գործերի նախարար Սերգեյ Լավրովը ժամանել է Ռիո դե Ժանեյրո, որտեղ մասնակցելու է BRICS գագաթնաժողովին, հաղորդում է ՏԱՍՍ-ի թղթակիցը։

Լավրովը կգլխավորի ռուսական պատվիրակությունը միջոցառմանը, որի աշխատանքային ծրագիրը գագաթնաժողովի շրջանակներում նախատեսված է հուլիսի 6-7-ը: Ռուսաստանի նախագահ Վլադիմիր Պուտինը միջոցառմանը կմասնակցի տեսակապի միջոցով։

Գագաթնաժողովի շրջանակներում Լավրովը նախատեսում է մասնակցել բազմակողմ ձևաչափերի, որտեղ պատվիրակությունների ղեկավարները պետք է գնահատեն BRICS-ի աշխատանքը համագործակցության երեք հիմնական ոլորտներում՝ քաղաքականություն և անվտանգություն, տնտեսագիտություն և ֆինանսներ, ինչպես նաև մշակութային և հումանիտար ոլորտ։

–00—ՅՄ