ԵՐԵՎԱՆ, ՀՈՒԼԻՍԻ 1, 24News

Նիժնի Նովգորոդի մարզում ռուսական կործանիչ է կործանվել, օդաչուները կարողացել են կատապուլտվել։ Նախնական տվյալներով՝ դա Սու-27 էր։ Այս մասին հայտնում են ռուսական լրատվական աղբյուրները։

Baza հեռուստաալիքի տվյալներով՝ ռուսական ինքնաթիռը կործանվել է Կուլեբակի քաղաքի Վելետմա գյուղի մոտ, օդաչուները կարողացել են լքել կործանիչի խցիկը։ Նրանցից մեկն արդեն գտնվել է, երկրորդը, ենթադրաբար, դեռևս որոնվում է։

Օդաչուների վիճակի մասին ոչինչ չի հաղորդվում, սակայն, ըստ Shot հեռուստաալիքի, երկու օդաչուներն էլ չեն տուժել։

Դեպքի վայրում աշխատում են արտակարգ ծառայություններ, այդ թվում՝ հրշեջ ջոկատներ։

–00—ՅՄ