ԵՐԵՎԱՆ, ՀՈՒՆԻՍԻ 9, 24News

ՌԴ ԱԴԾ աշխատակիցները Կրասնոդարի երկրամասում ձերբակալել են Ռուսաստանի 22-ամյա քաղաքացու, ով ահաբեկչություն էր ծրագրում Ուկրաինայի անվտանգության ծառայության (ՍԲՈՒ) հրահանգով։ Այս մասին հայտնում է ՌԴ ԱԴԾ Հասարակայնության հետ կապերի կենտրոնը:

Ահաբեկչություն նախապատրաստելու համար կալանավորված անձը պետք է ռումբ տեղադրեր էներգետիկ օբյեկտում։

«Նա մտադիր էր ստանալ 2,5 կգ կշռող ինքնաշեն պայթուցիկ սարք, որով պետք է պայթեցներ վարչական շենքում գտնվող էներգետիկ օբյեկտը։

Բացի այդ, ըստ ԱԴԾ-ի, ձերբակալվածը նախկինում ուկրաինական հատուկ ծառայությունների համար լուսանկարել է ռուսական ռազմական օբյեկտները։ Նա նաև տվյալներ է հավաքել Սևծովյան նավատորմի նավերի տեղաշարժերի մասին։