Հակաօդային պաշտպանության ուժերը Ռուսաստանի մարզերի վրա խոցել են ուկրաինական 105 անօդաչու թռչող սարք, դրանցից 35-ը՝ Մոսկվայի մարզի վրա, հայտնում է ՌԴ պաշտպանության նախարարությունը։

Նախարարությունը նշում է, որ զանգվածային հարձակումը տեղի է ունեցել կեսգիշերից մինչև Մոսկվայի ժամանակով ժամը 05:30-ը։

Լիպեցկի և Սմոլենսկի մարզերը նույնպես հարձակման են ենթարկվել, որտեղ խոցվել է երեքական անօդաչու թռչող սարք, ինչպես նաև Բրյանսկի մարզը (մեկ անօդաչու թռչող սարք)։

Մոսկվայի քաղաքապետ Սերգեյ Սոբյանինը հայտնել է, որ գիշերը քաղաքի ուղղությամբ թռչող 7 ԱԹՍ է ոչնչացվել։

Մայրաքաղաքի «Վնուկովո», «Դոմոդեդովո» և «Ժուկովսկի» օդանավակայանները դադարեցրել են գործունեությունը, իսկ Ռոսավիացիան հայտարարել է սահմանափակումների մասին Վլադիմիրում և Տամբովում։

Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։

Մարտական գործողություններն ընթանում են մինչ օրս։

Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։