Շախմատի ֆեդերացիայի հայտարարությունը․

«Հիշում ու ցավով անդրադառնում ենք Յուրի Առուստամյանի կյանքին ու ժառանգություն թողած հետագծին։

1953 թվականին Հայաստանի «Էներգիա» ԴՍՕ-ի շախմատի չեմպիոն։

1966 թվականին Յուրի Առուստամյանը ստացել է Պատվո նշանի շքանշան։

1977 թվականից Հայաստանի շախմատի ֆեդերացիայի պլենումի անդամն էր:

1983-2009 թվականներին եղել է Հայաստանի շախմատի ֆեդերացիայի փոխնախագահ:

1984 թվականին էլեկտրատեխնիկական գործարանում արտադրել և Հայաստանի շախմատի տանը նվիրաբերել է էլեկտրոնային ցուցադրական սարք, որը հեռուստացույցների էկրաններին ցուցադրում է միաժամանակ խաղացվող 8 շախմատային խաղ։ ՖԻԴԵ-ի նախագահ Ֆ. Կամպոսանեսի խոսքերով՝ սա աշխարհում առաջին նմանատիպ սարքն էր։

2009 թվականին նա արժանացել է Տիգրան Պետրոսյանի անվան ոսկե մեդալի։

Յուրի Առուստամյանի ձեռքբերումները կարելի է երկար թվարկել, սակայն ամենից կարևորն ու արժեքավորը նրա բարձր մարդկային հատկանիշներն էին։

Խորապես ցավակցում ենք նրա անդառնալի կորստի կապակցությամբ»։

–00—ՍՊ