ԵՐԵՎԱՆ, ՀՈՒՆԻՍԻ 27, 24News

Հնարավորության դեպքում, Իրանի նախագահ Մասուդ Փեզեշքիանի այցը Հայաստան կկազմակերպվի մինչև ամռան վերջ։ Այս մասին այսօր՝ հունիսի 27-ին, մամուլի ասուլիսում ասել է ՀՀ-ում Իրանի դեսպան Մեհդի Սոբհանին։

«Նույնիսկ նման լարված իրավիճակում ես հանդիպել եմ Արտաքին գործերի նախարարության և լիազորված կառույցների ներկայացուցիչների հետ՝ այցի պլանավորման հարցը քննարկելու համար։ Մենք փոխանակեցինք փաստաթղթերի ցանկ, որոնք կարող են ստորագրվել նախագահի այցի ընթացքում։ Մենք նաև ներկայումս քննարկում ենք բոլոր այն ծրագրերը, որոնք նախատեսված են նախագահի այցի շրջանակներում։ Հնարավորության դեպքում, այցը կկազմակերպվի ամռան ընթացքում։ Անկախ նրանից՝ պատերազմ է, թե ոչ, կյանքը շարունակվում է», – ասաց նա։

—00—ՄԱ