ԵՐԵՎԱՆ, ԱՊՐԻԼԻ 2, 24News
Լիտվայի իշխանությունները Ուկրաինային են փոխանցել հակաօդային պաշտպանության վեց համակարգ, հայտնել է Վլադիմիր Զելենսկին։
«Լիտվայից հակաօդային պաշտպանության նոր համակարգեր կան»,- ասել է Զելենսկին Telegram ալիքում հրապարակված տեսաուղերձում։
Չի նշվում, թե արդյոք դրանք հասել են Ուկրաինա և ինչ համակարգերի մասին է խոսքը։
Ավելի վաղ Զելենսկին հայտարարել էր, որ համաձայնության է եկել արևմտյան գործընկերների հետ հակաօդային պաշտպանության համակարգերի արտադրության լիցենզիաներ ստանալու շուրջ։ Ինչպես ավելի վաղ հայտնել էր Forbes ամսագիրը, Ուկրաինայի զինված ուժերն իրենց դաշնակիցների հետ սկսել են ուղիներ փնտրել ամերիկյան արտադրության հակաօդային պաշտպանության զենքերը փոխարինելու համար՝ Սպիտակ տանը ԱՄՆ նախագահ Դոնալդ Թրամփի և Զելենսկու սկանդալային հանդիպման ֆոնին։
--00—ՅՄ