ԵՐԵՎԱՆ, ԱՊՐԻԼԻ 3, 24News
«Հայաստան-Իրան ռազմավարական համագործակցության զարգացման կենտրոնի» հիմնադիր Պույա Հոսեյնին գրում է․ «Հայտնում ենք, որ ռուսալեզու որոշ լրատվամիջոցների կողմից տարածված «Իրանի օդային տարածքը փակելու» մասին տեղեկատվությունը լիովին սուտ է։
Mehr լրատվական գործակալությունը և իրանական այլ հեղինակավոր աղբյուրներ նման տվյալներ չեն հրապարակել։ Իրանի օդային տարածքը մնում է բաց, իսկ թռիչքներն ընթանում են բնականոն հունով։ Տեղեկատվությունը տարածվել է կասկածելի ուկրաինական Twitter-ի էջից»: «Իրանն այսօր» թելեգրամյան ալիքը ևս հայտնում է, որ լուրը սուտ է․
«Իրան-ԱՄՆ լարվածության ֆոնին ապատեղեկատվական հոսքերը կրկին ակտիվացել են։ Ռուսալեզու, արդեն նաև հայկական թելեգրամյան ալիքները, հղում անելով իրանական Mehr գործակալությանը, գրում են, թե Իրանը փակել է իր օդային տարածքը և զորքերը բերել մարտական պատրաստվածության բարձր աստիճանի։ Mehr-ում նման հրապարակում չկա։ Իրանական փորձագիտական դաշտը ևս սկսել է հերքել այդ լուրը»։
--00—ՍՊ