ԵՐԵՎԱՆ, ՀՈՒՆՎԱՐԻ 28, 24News
ՀՀ Ներքին գործերի նախարար Վահե Ղազարյանն ու ՀՀ Ներքին գործերի նախարարի տեղակալ, ՀՀ ոստիկանության պետ, ոստիկանության գեներալ-մայոր Արամ Հովհաննիսյանը ամեն անգամ պարեկային ծառայության ղեկավար կազմի հետ հանդիպմանը թիվ 1 խնդիր են դրել այն, որ պարեկը իր ծառայության ընթացքում նույնպես պետք է ցուցաբերի մարդկային մոտեցում անօգնական վիճակում հայտնված քաղաքացիների ու վարորդների նկատմամբ։
ՀՀ ՆԳՆ Ոստիկանության Պարեկային ծառայության պետ, ոստիկանության գնդապետ Արթուր Խուդինյանը ամեն անգամ պարեկային ծառայության ղեկավարի կազմի հետ խորհրդակցություններ անցկացնելիս հորդորում է, որ պարեկը պետք է առաջնորդվի «ուրիշի ցավ չկա» կարգախոսով և եթե անհրաժեշտություն լինի նա պետք է օգնություն ցուցաբերի դրա կարիքը ունեցող քաղաքացիներին։
Երեկ՝ հունվարի 27-ին, ՀՀ ՆԳՆ Ոստիկանության Պարեկային ծառայության Կոտայքի մարզի գումարտակի 1-ին վաշտի պարեկները ծառայության ընթացքում նկատել են, որ Երևան-Սևան ավտոճանապարհի՝ Հրազդանի վարչական տարածքում Mercedes մակնիշի ավտոմեքենան մերկասառույցի պատճառով հայտնվել է ձնակույտի մեջ։ Պարեկները մոտեցել են վարորդին, ապա նրա ընկերների հետ օգնել են ավտոմեքենան ավտոքարշակի միջոցով դուրս բերել երթևեկելի գոտի։
Ինչպես հայտնում է ֆոտոլրագրող Գագիկ Շամշյանը, բարեբախտաբար, տուժածներ չկան, իսկ եթե ճանապարհն սպասարկող ճանշինը աշխատանքներ կատարեր, ապա ավտոմեքենան չէր հայտնվի ձնակույտում։
--00—ՅՄ