ԵՐԵՎԱՆ, ՍԵՊՏԵՄԲԵՐԻ 15, 24News
Սյունիքի մարզի Վերիշեն համայնքում սեպտեմբերի 14֊ի, ժամը 20։00-ից իրավիճակը հանգիստ է, կրակոցներ չեն հնչել։ Մինչդեռ 90-ականներից հետո առաջին անգամ այստեղ 2022 թվականի սեպտեմբերի 12-ի կեսգիշերին արկերի ձայներ լսվեցին, ինչպես հայտնում է 168․am-ը, գյուղ այցելած հայ և արտասահմանցի լրագրողների հետ զրույցում տեղեկացրել է համայնքապետ Արտակ Զադայանը:
«Գյուղում ընդհանրապես խուճապ չկա, միայն մի քանի ընտանիք, որտեղ մանկահասակ երեխաներ կան, տարհանվել են, մյուսները շարունակում են մնալ գյուղում»,-ընդգծել է համայնքապետը։
Վերիշենում թշնամու արձակած հրթիռների հարվածների հետևանքով բնակելի 4 տուն է վնասվել։ Համայնքապետի խոսքով` գյուղից 700-800 մետր հեռավորությամբ էլ հարյուրավոր հրթիռներ են ընկել։
«Երեկ ժամը 15։00-ի հատվածում գյուղում 3 արկ ընկավ, տղերքին օգնելու պահին մեկ քաղաքացիական անձ վիրավորում ստացավ, հիմա հիվանդանոցում է, ոտքին բեկորային վնասվածք է ստացել։ Կյանքին վտանգ չի սպառնում»,- մանրամասնել է նա։
Ենթակառուցվածքները չեն վնասվել։
--00—ԶՀ