ԵՐԵՎԱՆ, ՍԵՊՏԵՄԲԵՐԻ 1, 24News
Արարատի մարզի Վեդի քաղաքում գիշերն օտարերկրացիների մասնակցությամբ տեղի ունեցած միջադեպի մասով նյութեր են նախապատրաստվում քննչական կոմիտեում։ Այս մասին 24News-ին ասաց ՔԿ մամուլի քարտուղար Վարդան Թադևոսյանը։ Թադեւոսյանն ասաց, որ օտարերկրացիներն ամուսիններ են, Թուրքիայի քաղաքացիներ։
Այլ մանրամասներ ՔԿ մամուլի քարտուղարը չնշեց։
Ավելի վաղ ՀՀ ոստիկանության հասարակայնության հետ կապի և լրատվության վարչության պետ Զարզանդ Գաբրիելյանը 24News-ին հայտնել էր, որ ժամը 23:55-ին ոստիկանությունը տեղեկություն է ստացել Արարատի մարզի Վեդի քաղաքի Առաքել Սիմոնյան հրապարակում երկու օտարերկրյա քաղաքացու հետ կապված։ Ըստ նրա՝ օտարերկրացիները տեղափոխվել էին ոստիկանության բաժին և ստեղծված նյութերով փոխանցվել են ՔԿ։