ԵՐԵՎԱՆ, ՀՈՒԼԻՍԻ 14, 24News
ՌԴ Տվեր քաղաքի «Գթության քույր Եկատերինա Բակունինայի անվան բարեգործական հիմնադրամի», Գյումրու «Ռոտարի» ակումբի ներկայացուցիչներին այսօր ընդունել են Գյումրի համայնքի ղեկավար Վարդգես Սամսոնյանը, համայնքի ղեկավարի առաջին տեղակալ Արթուր Պապիկյանը:
Վարդգես Սամսոնյանն իր խոսքում ողջունել է ներկաներին, խոսել հայ-ռուսական դարավոր բարեկամության, ծրագրերի և համագործակցությունների մասին:
Վարդգես Սամսոնյանն այնուհետ նշել է, որ ընդամենը 1-2 օրից Գյումրին քույր քաղաքի համաձայնագիր է ստորագրելու ՌԴ Տվեր քաղաքի հետ՝ մեծապես կարևորելով գործընկերության և փոխշահավետ կապերի ընդլայնման, փորձի փոխանակման և համատեղ նախագծերի իրականացման պայմանների ստեղծումը:
Հանդիպման ընթացքում երկուստեք պատվոգրեր և շնորհակալագրեր են հանձնվել թե՛ Գյումրի համայնքի ղեկավարի, թե՛ ՌԴ Տվեր քաղաքի «Գթության քույր Եկատերինա Բակունինայի անվան բարեգործական հիմնադրամի» կողմից:
--00--ԱՀ