ԵՐԵՎԱՆ, ՀՈԻՆԻՍԻ 16, 24News
Վրաստանը ողջունում է Ադրբեջանի եւ Հայաստանի միջեւ խաղաղության հաստատման հարցում Եվրամիության աջակցությունը։ Այս մասին Բաքվի IX գլոբալ ֆորումի ժամանակ հայտարարել է Վրաստանի նախագահ Սալոմե Զուրաբիշվիլին, հայտնում են ադրբեջանական աղբյուրները։
Նրա խոսքով՝ Եվրամիությունն անհրաժեշտ փորձ ունի այս հարցում։ «Հարավային Կովկասը կարող է էլ ավելի կարեւոր տարածաշրջան դառնալ, եթե այստեղ երկարաժամկետ խաղաղություն հաստատվի»,- ասել է Վրաստանի նախագահը։
Նա նաև ընդգծել է Հարավային Կովկասի երկրների միջեւ հարաբերությունների զարգացման կարեւորությունը։ «Ուկրաինայում պատերազմը եւս մեկ անգամ ցույց տվեց, թե որքան կարուոր է բոլոր երկրների համար միասին աշխատել եւ աջակցել միմյանց»,- հավելել է Զուրաբիշվիլին։
--00—ՀԶ