ԵՐԵՎԱՆ, ՀՈՒԼԻՍԻ 3, 24News

Հեռախոսազրույց են ունեցել ԱՄՆ և ՌԴ նախագահներ Դոնալդ Թրամփը և Վլադիմիր Պուտինը։

Վլադիմիր Պուտինը Դոնալդ Թրամփի հետ զրույցում նշել է Ուկրաինայի հետ բանակցային գործընթացը շարունակելու Ռուսաստանի պատրաստակամությունը, հայտարարել է ՌԴ նախագահի օգնական Յուրի Ուշակովը:

Պուտինը Թրամփին տեղեկացրել է Ռուսաստանի և Ուկրաինայի միջև ստամբուլյան պայմանավորվածությունների իրականացման ընթացքի մասին։

ՌԴ նախագահը ԱՄՆ նախագահին Թրամփին հայտնել է նաև, որ Ռուսաստանը շարունակում է ուկրաինական հակամարտության բանակցային լուծում փնտրել:

ՌԴ նախագահն ամերիկացի գործընկերոջը տեղեկացրել է, որ Ռուսաստանը չի հրաժարվի վերացնել առճակատման բոլոր արմատական պատճառները։

Թրամփն էլ իր հերթին Պուտինի հետ զրույցում կրկին բարձրացրել է Ուկրաինայում ռազմական գործողությունների շուտափույթ ավարտի մասին հարցը։

Հաղորդվում է, որ ՌԴ և ԱՄՆ նախագահներ Վլադիմիր Պուտինն ու Դոնալդ Թրամփը քննարկել են նաև Իրանի և Մերձավոր Արևելքի շուրջ ստեղծված իրավիճակը:

Պուտինը Թրամփի հետ զրույցում ընդգծել է Մերձավոր Արևելքում քաղաքական-դիվանագիտական միջոցներով կարգավորման կարևորությունը:

—00—ՍՊ