ԵՐԵՎԱՆ, ՀՈՒՆԻՍԻ 18, 24News

Թուրքիայում Հայաստանի վարչապետի և Ադրբեջանի նախագահի հանդիպում նախատեսված չէ, «Ազատությանը» հայտնեց վարչապետի մամուլի խոսնակ Նազելի Բաղդասարյանը:

Թուրքիայի նախագահի աշխատակազմի հանրային կապերի վարչության ղեկավար Ֆահրեթդին Ալթունն էլ երեկ հայտնել էր, որ հունիսի 19-ին Թուրքիա է մեկնում Ադրբեջանի նախագահ Իլհամ Ալիևը:

Թուրք պաշտոնյաի խոսքով՝ այցի շրջանակներում Իլհամ Ալիևը և Ռեջեպ Թայիփ Էրդողանը կմասնակցեն 2023 թվականի երկրաշարժից հետո Կահրամանմարաշ քաղաքում կառուցված «Ադրբեջանական թաղամասի» բացմանը։

Հիշեցնենք, որ ավելի վաղ 24News-ը հայտնել էր, որ վարչապետ Նիկոլ Փաշինյանը մեկնելու է Թուրքիա, ինչը ավելի ուշ հաստատել էր ԱԺ նախագահ Ալեն Սիմոնյանը։

—00—ՄԱ