ԵՐԵՎԱՆ, ԱՊՐԻԼԻ 2, 24News

Իրանի միջուկային ծրագրի սահմանափակման շուրջ նոր համաձայնության հասնելու շանսերը մեծ չեն, եւ եթե այն ձեռք չբերվի, ապա ռազմական առճակատումը գրեթե անխուսափելի է թվում, հայտարարել է Ֆրանսիայի արտգործնախարար Ժան Նոել Բարրոն, հաղորդում է Reuters-ը․

«Մենք ընդամենը մի քանի ամիս ունենք մինչև այս համաձայնագրի գործողության ժամկետի ավարտը»,- ասել է նա խորհրդարանական լսումների ժամանակ։ 

Ձախողման դեպքում ռազմական առճակատումը, ըստ երևույթին, գրեթե անխուսափելի կլինի, Բարրոն հավելել է, որ Իրանի նկատմամբ Եվրամիության նոր պատժամիջոցները, որոնք կապված են Իսլամական Հանրապետությունում օտարերկրյա քաղաքացիների ձերբակալման հետ, նույնպես կհաստատվեն առաջիկա շաբաթներին: