ԵՐԵՎԱՆ, ԱՊՐԻԼԻ 26, 24News

Փաշինյանը իրավունք չունի ասելու՝ մենք չենք պատասխանելու Ադրբեջանի կրակոցներին, ինքը պատերազմի ժամանակ միայն ԶՈՒ-ին կարող է հրաման տալ, ԳՇ պետը միայն կարող է գնահատել իրավիճակը և որոշում կայացնել։ Բաքուն ամեն օր կրակոցներ է հնչեցնում՝ մարդկանց հուսահատեցնելու և սահմանամերձ գյուղերը դատարկելու համար։ Քաջ ՔՊ-ն թող գնա ու սահմանամերձ գյուղերում ապրի՝ Ադրբեջանի կրակոցների, երաժշտության ներքո։ 24TV-ի «Հարցազրույց Հերմինե Միքայելյանի հետ» հաղորդման ժամանակ նման կարծիք հայտնեց պահեստազորի գնդապետ, ռազմական փորձագետ Հայկ Նահապետյանը։

Խոսելով ապրիլի 24-ին Էրդողանի հնչեցրած ուղերձից, Նահապետյանը նշեց, որ այն համահունչ է Փաշինյանի ուղերձին․ «Էրդողանը Սիրիայի նախագահ Ասադի ընտանիքի հետ մտերիմ էր, որտեղ նստում, ասում էր՝ իր ոչ արյունակից եղբայրն է, ընտանիքներով հավերժ բարեկամ ենք։ Զգոնությունը թուլացրեց, դաշույնով` թաշկինակի մեջ դրած, թիկունքից խփեց, հիմա ո՞ւր է Ասադը և ո՞ւմ զորքերն են Սիրիայում։ Նրանք պատրաստվում են հարվածի, մեր զգոնությունն են թուլացնում՝ սուտ երդումներ տալով»։

Հերմինե Միքայելյան

Մանրամասները՝ տեսանյութում:

–00–ԱՀ