ԵՐԵՎԱՆ, ԱՊՐԻԼԻ 9, 24News

Թուրքիայի նախագահ Ռեջեփ Էրդողանը հեռախոսազրույց է ունեցել Իրանի նախագահ Մասուդ Փեզեշքիանի հետ։

Թուրքական լրատվամիջոցների հաղորդմամբ՝ բանակցությունների ընթացքում կողմերը քննարկել են ԱՄՆ-ի և Իրանի միջև հրադադարի հարցը, ինչպես նաև տարածաշրջանային անվտանգության իրավիճակը։

Էրդողանը նշել է, թե Թուրքիան շահագրգիռ կողմերի հետ միասին ինտենսիվ ջանքեր է գործադրել հրադադարի հասնելու համար։ Նա ընդգծել է, որ առաջիկա օրերին մեկնարկող իրանա-ամերիկյան բանակցությունները պետք է առավելագույնս օգտագործվեն կայուն խաղաղության և կայունության հասնելու համար։